ໂຮງຮຽນກົດໝາຍຊັ້ນກາງດົງເຫີຍຈັດກອງປະຊຸມພະນັກງານ, ລັດຖະກອນ, ພາລະກອນ ແລະ ຄົນງານໃນປີ 2018

      ກອງປະຊຸມໄດ້ຮັບຟັງບົດລາຍງານທົບທວນຄືນກ່ຽວກັບການປະຕິບັດບັນດາມະຕິ, ນະໂຍບາຍຂອງພັກ, ກົດໝາຍຂອງລັດທີ່ກ່ຽວຂ້ອງກັບພາລະບົດບາດ, ໜ້າທີ່ຂອງໂຮງຮຽນ; ລາຍງານຜົນຂອງການປະຕິບັດມະຕິຂອງກອງປະຊຸມພະນັກງານ, ລັດຖະກອນ, ພາລະກອນ; ກົດລະບຽບປະຊາທິປະໄຕພື້ນຖານໃນປີ 2018 ແລະ ທິດທາງ, ໜ້າທີ່ໃນປີ 2019; ລາຍງານທົບທວນຄືນຄວາມຮັບຜິດຊອບຂອງຫົວໜ້າໜ່ວຍງານໃນການຈັດຕັ້ງປະຕິບັດແຜນການປີ 2018; ລາຍງານຜົນການຈັດການ, ການນໍາໃຊ້ງົບປະມານໃນບັນດາເຄື່ອນໄຫວຕ່າງໆໃນປີ 2018; ລາຍງານກ່ຽວກັບການຄຸ້ມຄອງ, ການຈັດຊື້ຊັບສິນ ແລະ ອຸປະກອນໃນປີ 2018; ລາຍງານກ່ຽວກັບການງານການຈັດຕັ້ງພະນັກງານໃນປີ 2018; ລາຍງານຜົນທີ່ໄດ້ຮັບຂອງຄະນະກວດກາປະຊາຊົນໃນປີ 2018, ທິດທາງ, ໜ້າທີ່ໃນປີ 2019; ລາຍງານກ່ຽວກັບການງານການແຂ່ງຂັນ, ການຍ້ອງຍໍສັນລະເສີນໃນປີ 2018 ແລະ ທິດທາງ, ໜ້າທີ່ໃນປີ 2019.
      ເສີມຂະຫຍາຍປະຊາທິປະໄຕ, ພະນັກງານ, ລັດຖະກອນ, ຄົນງານທັງໝົດໄດ້ປຶກສາຫາລືຢ່າງຕັ້ງໜ້າ, ປະກອບຄໍາເຫັນ, ສະເໜີວິທີການແກ້ໄຂຕ່າງໆເພື່ອແກ້ໄຂຄວາມຫຍຸ້ງຍາກຂອງໂຮງຮຽນ, ເຊິ່ງສຸມໃສ່ບັນດາບັນຫາທີ່ສໍາຄັນເຊັ່ນ: ການຍົກລະດັບໂຮງຮຽນກົດໝາຍຊັ້ນກາງດົງເຫີຍເປັນໂຮງຮຽນວິທະຍາໄລ; ປັບປຸງຄຸນນະພາບກໍ່ສ້າງ ແລະ ຄຸນນະພາບດ້ານວິຊາສະເພາະຂອງພະນັກງານ ແລະ ຄູ-ອາຈານ; ປັບປຸງຊີວິດທາງວັດຖຸ ແລະ ທາງຈິດໃຈໃຫ້ແກ່ພະນັກງານ, ລັດຖະກອນ ແລະ ຄົນງານຂອງໂຮງຮຽນເພື່ອເຮັດໃຫ້ໂຮງຮຽນພັດທະນາທີ່ມີຄວາມຍືນຍົງຫຼາຍຂື້ນ.

     ອີງຕາມການສະເໜີຂອງບັນດາໜ່ວຍງານ, ບຸກຄົນ, ຄະນະປະທານໄດ້ຮັບຟັງຢ່າງຈິງຈັງ, ຮັບເອົາ, ຕອບຄໍາຖາມຢ່າງລະອຽດ, ເປີດເຜີຍໃນກອງປະຊຸມ ແລະ ເອົາເປັນມະຕິເພື່ອໃຫ້ບັນດາໜ່ວຍງານ, ອົງການຈັດຕັ້ງ, ບຸກຄົນທີ່ຈະປະຕິບັດ.