ວັນທີ 4 ສິງຫານີ້, ໃນກອງປະຊຸມປະສານຂ່າວຂອງບັນດາຫົວໜ້າໜ່ວຍງານຂຶ້ນກັບກະຊວງ, ກະຊວງຍຸຕິທຳໄດ້ໄດ້ປະກາດຂໍ້ຕົກລົງສ້າງຕັ້ງບັນດາວິທະຍາໄລກົດໝາຍຂຶ້ນກັບກະຊວງ. ຕາມນັ້ນແລ້ວ, ໂຮງຮຽນກົດໝາຍຊັ້ນກາງ ທາຍ ງຽວນ, ໂຮງຮຽນກົດໝາຍຊັ້ນກາງ ດົ່ງ ເຮີຍ, ໂຮງຮຽນກົດໝາຍຊັ້ນກາງ ຫວີ້ ແທງ ໄດ້ຖືກຍົກລະດັບເປັນວິທະຍາໄລກົດໝາຍພາກເໜືອ, ວິທະຍາໄລກົດໝາຍພາກກາງ ແລະວິທະຍາໄລກົດໝາຍພາກໃຕ້.
ຊົມເຊີຍໂຮງຮຽນກົດໝາຍລະດັບຊັ້ນກາງ 3 ແຫ່ງທີ່ໄດ້ຮັບການຍົກລະດັບໃຫ້ເປັນວິທະຍາໄລກົດ ໝາຍ, ລັດຖະມົນຕີ ເລ ແທ່ງ ລອງ ຢືນຢັນວ່ານີ້ແມ່ນບາດກ້າວເຕີບໂຕທີ່ໂດດເດັ່ນ ແລະ ມີການພັດທະນາດັ່ງກ່າວດ້ວຍຄວາມພະຍາຍາມ, ຂອງແຕ່ລະໂຮງຮຽນ, ພ້ອມດຽວກັນນີ້, ເນັ້ນໜັກທີ່ຕັ້ງ, ບົດບາດທີ່ສູງຂື້ນໝາຍຄວາມວ່າໜ້າທີ່ຮັບຜິດຊອບຂອງໂຮງຮຽນຈະໜັກກວ່າເກົ່າ. ທ່ານລັດຖະມົນຕີຫວັງວ່າບັນດາໂຮງຮຽນຈະມີສະຖຽນລະພາບໂດຍໄວກ່ຽວກັບວຽກງານການຈັດຕັ້ງ, ວຽກງານບຸກຄະລາກອນພ້ອມທັງປະສານສົມທົບຢ່າງແໜ້ນແຟ້ນກັບກົມຈັດຕັ້ງພະນັກງານ ເພື່ອຈັດແຈງ, ບູລະນະກົງຈັກເພື່ອປະຕິບັດວຽກງານໃນໄວໆນີ້. ທ່ານລັດຖະມົນຕີເຊື່ອວ່າໃນຖານະຕຳ ແໜ່ງໃໝ່, ບັນດາວິທະຍາໄລກົດໝາຍ ຈະປະກອບສ່ວນເຂົ້າໃນການສຶກສາ, ຝຶກອົບຮົມຂອງກະຊວງ, ສາຂາໂດຍສະເພາະ ແລະການສຶກສາ, ພັດທະນາຊັບພະຍາກອນມະນຸດດ້ານກົດໝາຍ ຂອງປະເທດ ໃນໄລຍະໝ່.
![](/uploads/news/2020_08/image001.jpg)
ສະແດງຄວາມສະເທືອນໃຈ ແລະ ຄວາມພາກພູມໃຈ, ໃນນາມຕາງໜ້າຜູ້ນຳບັນດາວິທະຍາໄລກົດ ໝາຍ, ສະຫາຍ ຮວ່າງ ຊວນ ເຈົາ, ອະທິການບໍດີວິທະຍາໄລກົດໝາຍພາກເໜືອ, ໄດ້ກ່າວຂອບໃຈ ຢ່າງຈິງໃຈຕໍ່ຄະນະກຳມະການພັກ, ຜູ້ນຳຂອງກະຊວງຍຸຕິທຳໄກ້ເອົາໃຈໃສ່, ຊີ້ນຳຢ່າງໃກ້ຊິດ, ເຂັ້ມງວດ ແລະພ້ອມກັນ, ຊ່ວຍເຫຼືອແບ່ງປັນຄວາມຫຍຸ້ງຍາກ, ທ້າທາຍເພື່ອບັນດາໂຮງຮຽນມີບາດກ້າວ ພັດທະນາໃໝ່ຄືໃນທຸກວັນນີ້. ສະຫາຍ ຮ່ວາງ ຊວນ ເຈົາ ຫວັງວ່າບັນດາວິທະຍາໄລກົດໝາຍ ຈະສືບຕໍ່ໄດ້ຮັບຄວາມເອົາໃຈໃສ່, ຊີ້ນຳຂອງຄະນະກຳມະການພັກ, ຄະນະນຳກະຊວງ ແລະໃຫ້ຄຳໝັ້ນ ສັນຍາສືບຕໍ່ຄວາມພະຍາຍາມກວ່າເກົ່າເພື່ອມີການປະກອບສ່ວນມີປະສິດທິຜົນໃນການສຶກສາ ແລະຝຶກອົບຮົມຂອງກະຊວງ, ຂະແໜງຍຸຕິທຳ.
ຄວາມຄິດເຫັນ